PM Modi’s Big Announcement in Bihar: NDA To Win “Under The Leadership of Nitish Kumar” Ahead of Assembly Elections

Samastipur (Bihar): Bihar Assembly Elections 2025 se pehle Prime Minister Narendra Modi ne Friday ko Samastipur mein ek massive election rally address ki, jahan unhone NDA ke liye jeet ki guarantee di. PM Modi ne kaha ki “is baar NDA, Bihar CM Nitish Kumar ke leadership mein, apne sabhi purane records tod dega.”

PM Modi ne bhale hi Nitish Kumar ka naam directly CM candidate ke roop mein announce nahi kiya, lekin unka bayan saaf is baat ki taraf ishara karta hai ki NDA Bihar chunav Nitish Kumar ke netritva mein ladne wali hai.

Yeh statement tab aaya hai jab Mahagathbandhan ne abhi haal hi mein RJD leader Tejashwi Yadav ko apna official CM face declare kiya tha.

Opposition Ne Di Thi NDA Ko Challenge

Mahagathbandhan ke leaders ne NDA se apna CM face batane ki challenge di thi. Congress leader Ashok Gehlot ne kaha tha:

“Hamare neta Tejashwi Yadav hain. Ab NDA bataaye unka mukhiya kaun hai?”

PM Modi ka ye bayan isi challenge ke jawab ke roop mein dekha ja raha hai.

PM Modi’s Attack on RJD: “Jungle Raj Ne Bihar Ko Barbaad Kiya”

Rally ke dauran, PM Modi ne RJD aur Lalu Prasad Yadav ke rule par teekha hamla bola.Unhone kaha,

“Jahan RJD jaise party satta mein hoti hai, wahan kanoon vyavastha ki koi jagah nahi hoti. Unke raaj mein kidnapping, murder aur ransom ka raj tha. Jungle raj ne Bihar ki puri peedhi barbaad kar di.”

Modi ne kaha ki RJD ke misrule se sabse zyada nuksaan mahilaon, yuvaon, Daliton aur pichhde vargon ko hua. “Us dauraan Daliton ke liye police stations ke darwaze tak band ho gaye the,” unhone joda.

“Naxalism Ka Khatma, Modi Ki Guarantee”

PM Modi ne apne speech mein kaha ki 2014 ke baad NDA ne Bihar aur desh ko Maoist atank se azaad karne ka sankalp liya.

“Aapne 2014 mein NDA ko Delhi bheja. Humne Bihar ko Maoist terror se mukti dilai. Jaldi hi poora Bihar aur Bharat is atank se azaad hoga — ye Modi ki guarantee hai,” unhone kaha.