Indore Shock: Two Australian Women Cricketers Molested During ICC Women’s World Cup, Accused Arrested
- Tanisha surajwani
- Oct 25
- 1 min read
Indore News: ICC Women’s World Cup 2025 ke dauraan ek sharmnaak haadsa Indore se saamne aaya hai. Do Australian women cricketers ke saath Thursday raat molestation ki ghatna hui jab wo apne hotel se ek nearby café tak walk kar rahi thi.
Reports ke mutabiq, jaise hi ye incident hua, dono women players ne SOS alert bhej kar authorities ko inform kiya. Information milte hi security personnel turant spot par pahunch gaye aur investigation shuru kar di, NDTV ne report kiya.
Is mamle mein Australian team ke security manager Danny Simmons ne MIG police station mein official complaint file ki. Complaint ke baad police ne turant FIR register ki aur accused ko arrest kar liya.
Police ne kaha hai ki arrested person ki pahchaan Aqeel ke roop mein hui hai, jise custody mein le kar pooch-taach jaari hai.
Ye incident ne Indore Police aur ICC authorities dono ko alert kar diya hai, jisse players ki safety ko lekar naye security measures discuss kiye ja rahe hain.
Comments