Asia Cup 2025 Trophy Controversy: Team India ne Suryakumar Yadav ki captaincy mein Pakistan ko final mein hara kar Asia Cup 2025 jeeta. Lekin shocking baat yeh rahi ki Indian players apni jeeti hui trophy receive hi nahi kar paaye. ACC president aur PCB chief Mohsin Naqvi ko trophy Surya ko deni thi, par unke controversial bayanon ke chalte team ne decide kiya ki unse trophy lena sahi nahi hoga.
Iske baad Naqvi itne gusse mein aaye ki trophy, jo asli winner India thi, wahi lekar chale gaye. Ye incident ab social media par sab jagah charcha ka vishay bana hua hai.
Suryakumar Yadav ne khola sach
The Indian Express se baat karte hue Surya ne kaha: “Hum dressing room mein band hokar nahi baithe the. Humne presentation mein kisi ko wait nahi karwaya. Trophy woh khud lekar bhaag gaye – maine apni aankhon se dekha. Mujhe nahi pata kuch log videos bana rahe the, lekin hum wahi khade the. Hum andar gaye hi nahi.”
Ye statement clear karta hai ki India ki taraf se kisi bhi tarah ki disrespect nahi hui, balki issue Mohsin Naqvi ke behavior ki wajah se create hua.
Trophy le jaane ka video viral
Ek aur video ab viral ho raha hai jisme ACC ka ek employee trophy lekar jaata hua dikh raha hai. Reports ke mutabiq, final ke raat khabar aayi thi ki Mohsin Naqvi ne trophy apne saath le jaane ke instructions diye the. Unhone yeh bhi kaha tha ki trophy ko bina presentation ke foreign bhej diya jaye.
Comments